tirsdag 2. juni 2015

MAI - ein bunadsmånad

Sjølv om vi no har kome til juni må det bli ein liten bunadsblogg.  Mai er tradisjonelt månaden der arbeid med bunadane er ein del av kvardagen. Det vil seie at i år vart også noko gjort i april slik at datter vår med familie var klar til konfirmasjonsfeiring. Når dei er så heldige å verta invitert til fest er det kjekt å få bruke bunadane meir enn berre 17. mai.

Med 4 barnebarn som alle har bunad og foreldra deira som og kan ikle seg festantrekket er det litt å putle med. Det vil seie at datter vår vaskar og steller skjortene sjølv, resten er det vel stort sett eg som syter for er klart. Og det som då må sjekkast er om skjørt skal flyttast på vesten og om buksene passar eller må leggast ned? Er skjortene lange nok på armane? Er det noko som må lagast nytt? Må sonen vår pusse sølvknappane sjølv, alle 54?

Eg er så heldig å ha ting som går i arv og som både eg har brukt og som datter og sonen vår brukte som barn, så ikkje alt er nytt til barnebarna. Stas å veta at det som dei fleste brukar er sydd av mamma eller meg. Berre svigersonen måtte kjøpe bukse, vest og jakke på Husfliden. Sunnmørsbunaden var det ikkje kurs i her på Os. For dei andre bunadane er Os-bunader alle.
I år laga eg belte til tulla vår på 2 år. Dette er ein kopi av beltet eg har arva etter m farmor då eg var jente. Synest det er litt kjekt at dei to jentene våre har like belter. Beltet er sydd på stramei i halve korssting og med ei perle i kvart sting.
Barnebarnet på 9 hadde vakse ut av sokkane sine, så då måtte det strikkast nye. Heldigvis har Rauma laga til eit hefte med bunadssokkar og der var det oppskrift til barnestrømper og. Stas å få like sokkar som onkel har til sin bunad.
Nokre skrytebilder må eg og ha med. Her er dei fire barnebarna klar til å gå i tog etter å ha ete frukost hos oss. Alltid kjekt å starte dagen saman, 4 generasjoner som trives i lag, det gir gode minner for liten og stor.


Her har barnebarna fått med seg foreldra. Er det rart eg synest eg er heldig og har ein flott familie som att på til bur så nære at vi kan vera saman ganske så ofte?



6 kommentarer:

  1. Flott gjeng 😄og det beltet var nydelig !

    SvarSlett
  2. Aner bare en brøkdel av jobben din bak dette - så du har lov å være stolt. Flott bunadskledd familie!

    SvarSlett
  3. Ein flott familie du har, all grunn til å vera stolt! Og ekstra flott når alle stiller i bunad. Dei er heldig som har deg til å fiksa og ordna opp, det er mykje arbeid!

    SvarSlett
  4. Et vakkert syn med alle etterkommerne i så flotte bunader!
    Felles frokost er ganske sikkert en koselig start på nasjonaldagen!

    SvarSlett
  5. Så flott familien er :) kjempefine! Og du verden, her er det mangt et sting med fingre nål og tråd, og det beltet krever nok også litt konsentrasjon ;) nydelig Åshild, du er bare så stødig og flink på dette!

    SvarSlett
  6. Tusen takk for hilsen dine Åshild - så hyggelig - jeg gleder meg.
    Så herlig å se familien dine med kjempefine bunader, jeg liker veldig.
    Vakker du strikker ny sokker. Beltet med perler har så deilig mønsteret.
    Hilsen til deg. Og har en riktig fin uke... jeg er tilbake fra sykkeltur i går og barnebarn og datter besøkte oss... glede pur. Klem Viola

    SvarSlett