onsdag 28. september 2016

Votte og labbestrikk denne ferien og!

Så er vel ferielivet over for i år, men kan vel ikkje klage. 5 veker har vi vore på tur, mannen og eg, og vi nyt livet i bubilen. Denne gangen vart det både solferie i Kroatia, østerriske fjell og byar i Tyskland, for ikkje å gløyme sykkelturar i København. Her eit bilde frå Grossglockner, eit fjellpass i Østerike på 2504 moh.
Som alltid når vi er på tur, er strikketøyet med. Eg strikkar gjerne når vi køyrer, men og når vi har slått oss til ro. Denne ferien har eg i hovudsak strikka vottar og labbar, for hausten og vinteren kjem nok i år og.
Først å fremst var det dei yngste barnebarna som fekk vottar då vi kom heim. Mønstera er henta frå Votteboka til Jorid Linvik. Dei fleste er strikka i PT5 frå Rauma, men ekornvottane er strikka i restegarn frå Sjølingstad Uldvarefabrik.
Dette restegarnet var og nok til Nettvotten når eg sløyfa stripene på bråtet. Dette er ein damestørrelse, designer Wenche Roald/vottelauget.
I votteboka til Jorid Linvik er det og mønster til desse vottane, eg har strikka dei i Rauma PT5.
Har inntrykk av at heimestrikka labbar er populære åregevinstar på basarer. Desse para går nok til ei såk eg bryr meg om. Dei grønne er strikka i Rauma PT5 og dei med striper i Sisu frå Sandnes.
Det eg kosa meg mest med å strikke var nok denne jakken. Den er designa av Pinneguri og heiter Barnejakka Eivor, mønster finn du her på Ravelry. Synest den vart fin til den vesle prinsessa vår. Jakken er strikka i Drops Alpakkasilke.
Til slutt eit bilde av den koselege campingen vi budde på ei god veke. Dette er på Okrug utanfor Trogir i Kroatia. No er det haust og det vert kanskje meir tid til håndarbeid og til blogging.

onsdag 3. august 2016

Litt klompelompestrikk

Eg er gjerne litt treg av meg, i alle fall nokre gonger. Denne gangen er det å strikka frå boka 
"Klompelompe" eg tenker på. Men når svigerdatter vår viste meg eit sett ho likte ekstra godt og ønskte seg til det nye barnebarnet som er venta. Tilfeldigheten vil og at ei kjær venninne strikka nett den jakka som gåve til den vesle, og då var valget lett for meg. Eg kjøpte inn garn til bukse og hue. Boka var eg heldig å få låne. Og ja det vart ikkje berre ei, men 2 huer i ulik storleik.


Her er buksa og huene strikka i Lana Grossa Cool Woll. buksa er etter mønsteret 
"Go-Klompen-bukse" og hua er ei "Pilotlue" strikka med samme reliefmønster 
som på buksa og jakken. Den største hua manglar knappar, men det er no nokre 
veker til den er passe stor.


Den minste hua passa bra. Synes den vart fin på den flotte guten. 
Her er han 6 veker gammal.


Og til sist eit bilde av begge to, det kom ei lita "linselus" og ville vera med. 
Rart eg er glad i og stolt av desse to!

søndag 31. juli 2016

Ferie med strikketid og garnkjøp

Har i sommar vore 2 veker på bubiltur i Norge og Sverige. Og sidan eg likar å strikke når vi kjører, ja eg nyttar gjerne ledige stunder ellers og, så vert det litt strikketid. Når regnet pøsar ned er det godt å sitte inne med strikketøyet, og skin sola er det fint å sitja utanfor bilen. Er ein glad i å strikka veit ein ofte å nytte tida.


Som her i Kristinehamn i Sverige. Fin temperatur, sol og sommar og labbestrikk på pinnane. 
Når det skal pakkast til tur, er strikketøyet det som vert nøye planlagt + litt ekstra garn som 
kan komme vel med. 

Men samtidig så er det no ein gong slik at fabrikkutsal er like viktige stopp som dei mest naturskjønne stader. Og kan eg få med meg begge deler, ja då er dagane perfekt. Etter å ha besøkt Jostedalen, og Geiranger, kjørt Sognefjellet og Ørnesvingane, ete jordbær i Valldalen og er komen fram til Åndalsnes men kanskje ikkje akkurat i den rekkefølgen. Då vert Fabrikkutsalet til Rauma på Veblungnes eit naturlig stopp. Feilfritt garn med 10% rabatt, og masse feilgarn til 20 kr bunten. 
Det vart eit plastnett med feilgarn, Baby Panda, PT 5 og 2 buntar PT Pandora. 


Etter å ha hatt fantastisk flott sommarvær, hang skodda heilt i fjorden, værmeldingane lova meir regn, ja då sette vi kursen til austlandet. Og undervegs der vart det gjort ferdig 3 par labbar. Alltid kjekt å ha labbar på lur, som gåver eller gevinstar.


På Notodden var vi saman med datter vår og familien eit par døgn. Yngstemann i den familien skal befynne på skulen no, og skulegenser frå bestemor høyrer med. Han fekk sjølv plukke ut motiv frå boka "Hønsestrikk". Koselig å bla i boka saman med han, og ønskje var ganske klart, seglbåtar vart favoritten.

Feriens siste strikkeprosjekt vart "Nettvotten" strikka i restegarn frå Sjølingstad uldvarefabrik.



I Sverige var eg innom Kampes spinneri i Ullervad, Mariestad. Godt utvalg i vevgarn og vevtilbehør. Ja det vart litt kjøpt her og. Så til vinteren må eg nok få renning på veven min igjen. Tinas Textiler freista og med ei flott vindusutstilling. Klarte akkurat å få det med då eg sykla forbi. Spaserte tilbake og jammen kjøpte eg ikkje nokre meter og. Veldig godt å veta at eg ikkje vert arbeidslaus til hausten og vinteren. Det vil seie at eg alt har brukt fleire nøster garn og det eine stoffet vart til denne handarbeidskorga. Den rommer mykje, her er den fylt opp med feriens innkjøp. Fyller eg den med garn og handarbeidsutstyr vil eg ha arbeid lenge. Rikelig med lommer utvendig er det og.
Er veldig fornøyd!


Den siste og flottaste opplevinga på handarbeisdfronten var besøket på Silkeveven, Skarnes. Flott å tenke på at den einaste vevstolen av den typen som ikkje er i Kina, den er på Skarnes i Norge. Imponerande å sjå korleis det måtte 2 vevarar til for å veva. 12 000 renningstrådar og like mange hovlar som vart brukt i eit fastlagt program. 

Og like flotte stoff kunne dei veva på vevstolen. Imponerande! Så har du anledning til å besøke Silkeveven, kan det sterkt anbefalast!


Ønskjer deg som les dette ein fortsatt god sommar! 

Og det kan eg seie, vi treng ikkje fleire nedbørsrekordar i Bergen i sommar.

lørdag 2. juli 2016

Prosjektposer og stolvesker.

Når eg først kom meg i gang med symaskina, vart det fort gjort litt meir. Og då tenkjer 
eg ikkje på reperasjoner, som er det kjedelegaste eg veit. Heller ikkje skitnetøyposar til 
bubilen er noko "å skriva heim om". 

Nei eg har kosa meg med å sy nokre prosjektposar
 og vesker til solstolen i bubilen. I vår, då eg var på rehabilitering, fall eg 
for fristelsen å kjøpa litt bomullsstoff. Det er rart kor lett det er å handle i godt 
selskap og med gode tilbod.

Det første eg laga var to vesker til å knappa på solstolen i bobilen. Kjekt å sleppa 
å ha ting ned på bakken, men få det godt opp. Må tilstå at vi kjøpte ein 
modell i grå plast, av den kjedelege typen, på ferie i april.
 Med litt omarbeiding vart min modell sjåande slik ut.
Den er vattert med vanntett bordfilt og vrangsydd. For å få litt meir fasong har eg stiva lomma av 
ved å tre 2 gardinspiraler inn i ein løpegang. Ytterst er det ei tredelt lomme til mobil eller 
andre småting. Desse to veskene vart sommergaver til gode tur- og strikkevenninner.
Neste prosjekt var fleire poser til å ta med strikketøyet i. Her har eg forska litt på korleis 
eg vil dei skal sjå ut framover. Det er no komme lommer innvendig til mønster eller småting. 
Nokre er vatterte, andre ikkje. Å få beste løysinga på glidelåsen er det eg no prøver ut. 
Den med snøring vart bleiepose i stelleveska til familiens minste. 
Denne er ikkje vattert. Det er jo greit når ein skal pakke, tar litt mindre plass då. 
Samstundes ser eg at den kanskje vert litt slapp i fasongen.
Denne løysinga trur eg at eg må utforske litt meir. Vattert og med litt firkanta fasong oppe, 
den er grei å ha nøstet i når ein sitt og strikkar. 3 lommer innvendig er greit til småting 
som skal vera lett tilgjengeleg.

Skal eg fortsette med denne produksjonen må eg vel ut på markedet med dei. 
Begrensa kor mange eg har bruk for, men kjekke å sy er dei. Det vil seie at ein del av 
desse har alt funne nye eigarar.

God sommar til dåke som stikk innom her! 

Helsing Åshild



mandag 27. juni 2016

Kosetid ved symaskina.

Innimellom nyt eg å setja meg til symaskina. Sitja å putla med litt forskjellig, 
noko som er sjølvvalgt og noko det er kome ønske om. Det vil seie at det er sjølvvalgt
 å oppfylle ønska og! Denne gongen var eg slett ikkje vanskeleg å be. 
Når det nermar seg tid for at eit lite barnebarn skal bli født, 
er det stas å bli spurt om ei teneste.

Denne gangen var det behov for nytt trekk på stellebordet. Vi vart samd om at 
voksduk kunne egne seg som trekk, lett å vaske og halde rein. For ei strikkeglad 
bestemor vart voksduken med sauer eit sjølvsagt val. Fornøyd med resultatet 
vart eg og.
Det var også ønske om eit "babynest" eller babyreir på godt norsk. Eg var heldig 
å få låne eit mønster frå ei venninne. Hos Tonje er det mange flotte stoff å velge mellom, 
eg falt for to nøytrale. Som fyll brukte eg ei gammal dyne, vaska på 60 grader og
 tørka i trommelen. Resultatet vart både mottakar og eg fornøyd med. 
Her kan du sjå korleis mitt babynest vart sjåande ut! Og den fine vogga er det 
pappa min som har laga, den vart ferdig for snart 12 år sidan 
då første oldebarnet kom til verda.
Godguten, barnebarn nr 5, ligg her og søv i babyreiret med eit berre eit teppe 
strikka i Dale babygarn over seg. Like stort kvar gong eg vert bestemor. Det å få 
kose og stelle med dei små, få følgja med korleis dei utviklar seg. 
Kan livet bli betre?
Tusen takk til deg som ser innom bloggen min. 
Kommentarar vert lese og vert sett pris på.

Eg ønskjer alle ei flott veke, vonleg med godt sommarver for dei fleste.

Helsing Åshild

torsdag 2. juni 2016

Strikkejakkedilla eg?

Etter jul har eg strikka jakker med berre litt småstrikk innimellom. Og dei jakkene har eg 
strikka til meg sjølv. Eg starta med ei jakke i Wollmeise DK, og den jakka skulle ha fletter. 
Mi erfaring er at flettemømnster fører seg fint og flettene kjem klart fram når eg strikkar i 
Wollmeise DK. Eg fann eit mønster på Ravelry som eg ville strikka, då fekk eg og 
repetert litt strikkengelsk, og det kan absolutt trengast. Mønsteret heiter Adventurous.
Litt arbeid er det jo å strikke ei jakke med så mykje mønster, men denne synest eg gjekk 
ganske greit å strikke. Litt vanskelig å få fram den djupe raudfargen på bilde, også mønster og 
fasong forsvann litt.
Jakken har A-fasong og fører seg fint. Synest og ryggen har eit fint mønster.
Her er eit detaljbilde av kragen og nakken. Eg starta med å strikke kragen, plukka opp masker og strikka jakken frå halsen og nedover. Det er ein fordel når ein er usikker på om det er nok garn.

Neste prosjekt vart ei restejakke etter Pinneguri sitt mønster på Hverdagsjakka. Dette mønsteret finn du her. Dette var samstrikk i ei gruppe, utruleg kjekt å sjå alle dei ulike jakkene som vart strikka.
Mi jakke er strikka i restar etter 2 jakker eg har strikka designa av Hanne Falkenberg. Garnet er ganske tynt, så jakka er lett og god i bruk
For første gang har eg montert uten å strikke belegg, egentleg skulle eg kunne montere uten å sy 
med symaskin og. Men eg hadde litt få klippemasker så eg brukte 3-stings sikksakk før eg klipte. Synest resultatet vart bra, og jakka er alt brukt mykje,

Den siste jakka i år...... så langt..... er Sinnasaujakka, også designa av Pinneguri. Det mønsteret 
finn du også på her på Ravelry. Men eg må tilstå at litt endringar har eg gjort undervegs.
Denne gangen har eg brukt 2-trådsgarn frå Sjølingstad Uldvarefabrik, ein avdeling av Agder Museum. Eit spennande utsalg som eg var så heldig å besøke i april. Her fekk eg kjøpt både garn og mønster. Eg fall pladask for dei flotte fargane på dette garnet.
På denne jakka har eg strikka smale lister med hemper sydd med knappholssting. Dette er nok min favoritt når det gjeld montering av jakker. Det var litt vanskelig med lilla knapper, men desse grøne vart i mine auge "prikken over i'en".
Og til sist dristar eg meg til ein "selfie" for å vise at denne jakka sitte fint over skuldrane. Eg må og tilstå at eg alt har ei ny jakke til meg sjølv på pinnane, men det får vente til ein annan gong.

søndag 27. mars 2016

Trekantsjal og litt småstrikk

Jammen blir det lenge mellom bloggane for tida, sjølv om eg stadig held på med mine handarbeid. Men til tider skjer det mykje anna i livet, og bloggen kjem då langt ned på prioriteringslista. I vår har eg vore 3 veker på rehabilitering på LHL - Nærland. Eit godt og lærerikt kurs som eg absolutt påverkar livet mitt framover på ein positiv måte. Vakkert er det og på Jæren, men ganske så flatt.
Har mange gonger tenkte på mi kjære mormor som flytta frå flate Jæren og til ein dal mellom bratte fjell på Sunnmøre, det må ha vore ei stor forandring.
I godt selskap vart det kaffi og lefse på Hå Gamle Prestegard, det smakte fortreffelig!

Utsikten var heller ikkje å forakte med Obrestad fyr i bakgrunnen.

Men med tre veker på tur vart det og strikka litt. Ikkje alt hugsa eg å ta bilde av før det vart
gjeve bort eller seldt. Noko vart no med heim og, blant anna strikka eg eit trekantsjal
til mamma. Ho hadde fødselsdag då eg var borte, og eg fekk lyst til å overraske henne med
dette sjalet strikka i Zitron-filisilk. Eit tynt garn i silke/merinoblanding og 600 meter på 100 gr.

Den andre helga eg var på Nærbø var eg invitert til Hjelmeland til ei venninne. Her hadde eg
ei herlig helg med handarbeid i fokus, god oppvartning er det alltid hos Wenche. I så godt
selskap kom eg godt i gang med dette sjalet, og eg vart ferdig før eg reiste heim.
Mønsteret er eit gratismønster frå Ravelry og kan finast her
På bildet under er det eit detaljbilde av mønstert.
Elles har eg fortsatt med garnryddinga mi. Og då er det særskilt enkle nøster og restar som
eg gjerne vil nytte. Har strikka tovevottar i restar av Hoefeldt_Lund 2-trådet spelsaugarn.
Dette er berre smårestar etter mange par einsfarga vottar, men litt for godt garn å ikkje nytta.
Datter våre ville gjerne ha dei, og dei er alt tatt i bruk.
Skilnaden i størrelsen på tova og utova vottar er ganske stor.
 Oppskrifta på desse har eg laga sjølv. Den er nedskriven i stikkordsform på Ravelry, du finn den her.

Labbar er og lett å ty til for meg, har veldig ofte nokre på pinnane. Magic loop er ein grei måte å strikke labbar på, det å få begge ferdig samstundes likar eg.
Labbane under strikka eg til ei vennine som hadde fødselsdag. Dei er strikka i Sandnes Sisu etter dette mønsteret. Litt greit å strikke etter engelske mønster innimellom. Eg treng halde "strikkeengelsken" ved like.
Då eg var på Nærland vart eg invitert med på litt shopping første helga. Fredag var vi til Klepp og laurdag var det fabrikkutsalet til Sandnes garn som stod for tur. Ja og så ein stoffbutikk som hadde salg på metervarer. Blei nokre meter med bomullstoff med heim, hadde eg berre visst kva eg skal sy av dei. Har no litt planar og det skal dåke få sjå med tid og stunder.
Må tilstå at det er kjedeleg å ha så full koffert og reisa med tog og buss at ein må velge garn med 
hard hand. Men Sisu til halv pris fekk vera med i posen, og då kom desse labbane på pinnane. 
dei er alt overlevert ein nabo som ønska seg tynne heimestrikka labbar.
Veldig kjekt med dei som ser innom bloggen min! Det set eg pris på.

onsdag 3. februar 2016

Meir restestrikk og nye datautfordringar

På tide med ein liten blogg om kva som opptar meg på handarbeidsfronten. Ja, og kva eg no 
har funne ut eg må prøva meg på av nye datautfordringar.

1. januar heiv eg meg på eit samstrikkeprosjekt, å strikke vottar saman med andre strikkarar over 
store deler av verda. Dette var eit prosjekt på Ravelry, og det var ønskelig at vi var aktive der 
under samstrikkinga. Men det var og ei gruppe på FB vi kunne følge med på. Medlem på Ravelry var eg frå før, men eg er ikkje nokon aktiv brukar. Har lyst å tilføye at eg har igrunnen fått augene opp for Ravelry og at det har mykje meir å tilby enn sal av mønster. Men seier ein A må ein også seie B. Så no er prosjektet mitt behørig dokumentert på dette forumet.


Vottemønsteret fekk vi i fem deler, med ein del kvar feredag. Det er sjelden eg brukar 4 veker 
på eit vottepar. Likevel var eg like ivrig kvar gong det kom ein ny del av mønsteret. 
Då vert alle andre handarbeid lagt til side og neste del strikka. Mønsteret til vottane kan du kjøpa HER. Dei er designa av Wenche Roald og er eit flott resteprosjekt. Å sjå desse vottane i 
alle dei  forskjellige fargesamansetningane var eit eventyr, og nokre fanga merksemda mi meir 
enn andre.

Undervegs var det og ønskelig at vi la ut bilder på Instagram, så no er eg jammen der og. 
Men dette vert nok ein stad for berre handarbeidsbilder, trur eg..... 

Det datt og inn ei melding om at det kunne vera mange fine idear og råd på Pinterest. Nyskjerrig som eg er, var det berre å opprette brukarkonto der og. Her skal eg nok kose meg mange stunder. Berre synd tida flyr så fort når eg sette meg ned med pc'en.


Basaren til Os Husflidslag er ei viktig inntektskilde for laget. Eg pleier å strikka nokre 
gevinster til den basaren, og i år vert det to par selbuvottar.


Mønsteret heiter Tormod og finnes i Boka Varmekilder av Grete Letting. Boka er frå 2006 
og kanskje ei eg fekk i ein bokklubb med hobbybøker. Vottane er strikka i 
Embla, Hifa 3 frå Hillesvåg Ullvarefabrikk.


I dette garnet har eg og strikka desse vottane i damestørrelse. Mønsteret er henta frå boka
"Frå topp til tå" av Gro Sandvik. Mønsteret er eit ganske tradisjonelt selbumønster som ein
finn mange stader med berre små variasjonar. 

Ellers har eg fortsett med restegarnryddinga, eller det som Pinneguri kallar "Restefest 2016". 
  Ho inviterte til fellesstrikking av "Hverdagsjakka" på gruppa si. Eg var kjapp å nytta høve til 
å strikke den jakka med garnrestar etter 2 trøyer eg har strikka før. Mønsteret kan du finna HER (Ravelry)


Kanskje fargane ikkje er akkurat dei eg ville kjøpt inn, men som resteprosjekt trur eg det skal 
bli bra. Og så føles det godt å få redusert lageret med slike restar. Jakka er strikka ovenfrå og 
ned, dette gir god oversikt og kontroll over garnmengden. Spent på korleis resultatet blir er 
eg sjølvsagt. Du skal få sjå når eg vert ferdig om ei stund.

Tusen takk for at du kikkar innom, ekstra takk til deg som legg att ein kommentar. Ønskjer deg ein fin vintermånad. Håper det vert få ruskeværsdagar!

torsdag 21. januar 2016

Restestrikk og garnrydding

No har eg nett kosa meg med to bloggar frå ei god venninne, slikt inspirerer til å prøve meg på ein blogg etter gammalt. Det nye året starta med litt rydding i restegarn og oddenøster. Det å få redusert på slike nøster og få laga noko nyttig av dei er inspirerande.
Eg starta med å strikke 3 slike huer, alle tatt i bruk av mottakarane. Litt baggihuer strikka på pinne 3,5 mm med ein tråd tynn alpakka, Inka, frå Rauma og ein tråd silk-mohair frå Drops. Mjuke og gode og ganske kledelege til dei tre unge damene som fekk dei.
Den eine huo fekk følge av eit par vottar strikka i Rauma Inka, eit tynt alpakkagarn. Dette vart gåve til ei niese som fyller 30 år snart. Mønsteret på desse uglevottane er henta frå VOTTEBOKA til Jorid Lindvik.
Eg hadde og vel ei hespe norsk pelsullgarn frå Hillesvåg ullvarefabrikk Liggande. Dette rakk akkurat til eit par vottar og to panneband. Kjekt å legge opp i kassen der eg samlar ferdige ting uten planlagt mottakar. Plutselig dukkar det opp nokon som kan tenke seg nett dette,
Elles er eg i gang med ei jakke til meg sjølv. Dette er eit litt større prosjekt, men eg er litt utolmodig etter å få den ferdig. Eg strikkar den i Wollmeise merino DK i farge mørk kirsebær. Garnet har eg hatt liggande med tanke på ei jakke til meg sjølv. Den skulle vera med fletter, slik adventurous er. Mønsteret fann eg på Ravelry.

Ja så må eg tilstå eg har latt meg freiste til å vera med på ein vottealong igjen. Denne gangen er det "Vottelauget og eventyrvottene" som inviterte. Dei har ei gruppe på FB og Ravelry. Synest slike alongar er kjempespennande. Rart å tenke på at det sitte strikkarar rundt om i mange land og strikkar det same som eg gjer. Å velja fargar og starta prosjektet uten å veta korleis det skal verta når det er ferdig? Spenning i handarbeidskvardagen det. På bildet over er tre av fem mønsterdeler gjort ferdig. Og når ein ser på alle dei andre prosjekta som er like ferdige og dei forskjellige fargesamansetningane er det virkelig eit votteeventyr!

Tusen takk til deg som har sett på det eg har strikka oglest mine tankar om det eg held på med. Ønskjer deg ei riktig fin helg!