søndag 31. august 2014

Herregenser i Kauni og Ask

Mannen i huset har lenge ønska seg ein genser med glidelås i halsen, genseren skulle ikkje vera så tjukk. Dette er vel eit prosjekt som eg har utsett ei stund, det er så mykje som skal strikkast, mange små og store prosjekt.

Å pakka garn og pinnar til årets ferie gjekk litt fort og vart litt dårleg planlagd, kom liksom litt bak i køen. Men med i bilen kom 2 buntar Kauni med litt grå og blå Ask - Hifa 2 som passa til, tenkte dette skulle bli genser til mannen. Eit hefte frå Sandnes låg i tølene og skulle liksom vera til hjelp. No hadde eg nemleg bestemt meg for korleis genseren skulle bli, og at eg skulle bruke noko av garnet som alt var innkjøpt. Dvs eg kjøpte vel det lys grå Ask ein gong vi var i Hillesvågen med tanke på denne genseren.

Og her er genseren, ferdig montert og klar til bruk! Ikkje akkurat det kjekkaste eg veit å montere inn glidelås i strikkaplagg, men er bestilinga på slik genser er det berre å utføre arbeidet. Genseren er strikka uten oppskrift. Heftet vart heilt utan nytte, ein kopi av 8-bladsroser frå boka Fanatrøyer var heldigvis med og var til hjelp når mønsteret skulle strikkast. Eg har rekna ut og målt, tenkt og fundert, strikka og ja..... tatt opp litt og..... men er rimeleg fornøgd. Det er heldigvis han som skal bruka genseren og.

Sjølvsagt er det rom for forbetringar om eg skulle strikke ein slik genser til, men dei vil eg ikkje seie så mykje om. Likevel er eg glad for at eg sjølv bestemmer over strikketøyet, for at mønsteret skulle stemme i raglanfellingane måtte eg forskyve fellingane eit par masker inn på bolen. Heldigvis viser ikkje det når genseren er i bruk. Det var og ønske om at halsen skulle vera litt høg og bøå på innsida. Eg synest ein lys hals ville vera finast. Løysinga her vart å bytte tråd litt før halve halsen var strikka, slik fekk eg ein blå kant øverst.

Synest det krev litt å få ei fin glidelåsløysing. Her er min måte å gjera dette på, i alle fall denne gongen. Eg har sett at det vert montert i strikk utan å sy med maskin før klipping. For meg verkar det utrygt og eg syr mine to saumar med små sting og så 3-stings zikkzakk før klipping. Det er ikkje sjølve syinga som er terskelen for å kome i gang, derimot tanken på å setja seg til maskina. Skal liksom berre.... før.

Elles vil eg ønskja alle ei fin veke med dette bilde frå Otternes. Sist helg var vi i Flåm saman med gode vener. Vi besøkte då denne staden som er ei perle vel verdt eit besøk. Mykje å sjå, kaffistund med herlege sveler hadde vi og. Stopp der neste gong du kjører mellom Aurland og Flåm!

5 kommentarer:

  1. Åh, for ein flott genser!! Nydeleg Åshild-design! Og så er du så flink med symaskinen, nydeleg arbeid!
    Er enig med deg, hadde heller ikkje tatt sjansen på å klyppa uten å sy først.
    Nydeleg bilde du har tatt, me bur i eit vakkert land!

    SvarSlett
  2. Åh mamma mia!! Så flott en genser mannen i huset får, den var bare knallfin Åshild! Hva du ikke kan :) så er det jo bare sååå pent arbeid, hmm, ja, sier som Wenche; Åshild-design :) jeg også syr mine zikk-zakk og rett-sømmer før jeg klipper, tør ikke annet, rett og slett. Så herlig plass du har vært innom, er jo som et postkort - og en plass man bare drømmer om... :)

    SvarSlett
  3. Du er virkelig dyktig, Åshild! Her viser du til fulle hvor godt du tenker gjennom løsningene ;)
    Og resultatet blir jo deretter -helt førsteklasses!!
    Var forresten nydelige farger i tillegg til flott sammensatte mønsterrader.
    Den blå kanten øverst på kragen var veldig passende til de blå stolpene!

    SvarSlett
  4. Det var ein flott og forseggjort gensar i fine fargar :) Ser i bloggen at du lagar veldig mykje fint. Har lagt meg til som følgar. Ha ein fin dag.

    SvarSlett
  5. Utrolig flott genser- er super imponert. Har kjempelyst til å fortelle deg om et prosjekt jeg jobber med - kan du sende meg en email på heidi@woolspire.com?

    SvarSlett