søndag 17. august 2014

Klutar - lett sommarstrikk!

Ei av dillene som går på Facebook er klutedilla, og den traff så absolutt meg og. Mykje av ansvaret for det har nok Bitta Mikkelborg som raust deler ut gratismønster i gruppa si 
"Bittamis Design for strikkelystne".
Når det skulle pakkast ned garn og mønster for årets ferie så vart nokre av hennar mønster og ein del bommulsgarn med. Det var både nye buntar og gamle restar, nok til ein del klutar, ja meir enn eg fekk tid til å strikke opp på sommarens bubiltur.

Eit av mine favorittmønster er BIRD CHERRY - HEGG. Det mønsteret har eg strikka før og kjem til å strikka det igjen. Synest dei klutane er gode både i Tuva, Mandarin Petit OG Timeless Cotton 8/4. Strukturen i midtpartiet gir ein litt fyldig klut med fin struktur og dei falske flettene pyntar fint opp.
THE GRAND FINALE er og eit fint mønster. Her hadde eg eit svart nøste Tuva som vart brukt til denne kluten. På bilde ser den grå ut, men de får bildekvaliteten ta skulda for.Er litt spent på om den fargar av i starten, veit at dei vert gode i bruk etter ei stund.
Eit anna mønster som er fint, er SYMRE. Her har eg strikka 2 vaskeklutar som kanskje kan verta ei gåve ein gong. Den bleikgrøne er strikka i Timeless frå Stoff&Stil  den mørkeblå i ein gamal rest , kanskje Solberggarn?
HJERTEBARN har lenge vore på planen, den fekk eg og strikka ein av. Litt lat når det gjeld trådfesting, i alle fall når det skal vera like fint på begge sider. Stripene vart derfor erstatta av riller.
Til slutt vart det ein klut som eg har strikka monge gonger - uten mønster.
Alt i alt vart det ei samling klutar som no ligg på vent til å bli brukt av meg eller nokon annan. Fine som ei lita gåve eller som gevinst saman med ei luksussåpe eller fin oppvaskkost. Berre tida vil vise kva dei vil bli brukt til, men ein pause frå klutestrikkinga vert det no. 
Mange planar ventar på å verta sett ut i livet, og litt etter kvart kjem dei kanskje her på bloggen min og. Blogginga mi går litt i bølgjer, men eg har eit ønskje om å bli litt flittigare på det området og. Så tusen takk til deg som ser innom her, eg ønskjer deg ein fin søndag!

3 kommentarer:

  1. Her var det ein flott klutproduksjon! Og du har valgt nokre av dei mønstrane eg og liker best.
    Kniplingbrikka di var nydeleg, det ser veldig innvikla ut å knipla. Me skulle hatt eit kurs på det, ja!
    Veldig kjekt å lesa blogg fra deg igjen :)

    SvarSlett
  2. Så flott samling du har laget, flotte kluter Åshild, nydelige farver :) så koselig å se deg blogge igjen - det må du fortsette med :) ha en fin kveld

    SvarSlett
  3. Flotte kluter med mange fine mønstre :)
    Skal si du har vært produktiv!

    SvarSlett