onsdag 2. april 2014

Veving på vent - no er våren her!

Eg likar godt å veva, men det går litt i bølgjer. Dessuten er det vanskeleg å rekka over al teg vil. Der eg har vevd litt i det siste er i vevgruppa i husflidslaget. Vevgruppa er ein triveleg møtestad der vi er saman mandag på dagtid og torsdag på kveldstid. Det er då mogeleg for alle å delta, sjølv om ein er i arbeid.

Men trur eg må seia at mandagsøkta med ein god felles lunsj er ei av høgdepunktene i veka. Det å sitja over eit deilig "smørremåltid" og drøsa om alt og ingenting er herlig saman med trivelege damer. Å laga lunsj går på omgang, så vi får vera gjester mange gonger mellom kvar gong vi lagar til.

Det siste eg har vevd der er ein løpar med lilla lin i innslag på lys grå renning. Har tenkt dette som ein adventsløpar til spisebordet. Veit eg er ute i god tid, men kan ikkje klippe ned løparane ein og ein. Men når våren, ein god sommar og fin haust er over, då skal denne løparen ferdigstillast.
Noko av det som er veldig fasinerande med veving er at same renninga kan gje forskjellig resultat når ein bruker forskjellig innslag og trøing.

Under er det løparar frå den første renninga til løparar eg sette opp på veven heime. Det er ei raud cottolinrenning med naturfarga striper og med lin til innslag. I innslaget har eg brukt litt ulik type naturfarga lin  i tillegg til raudt.
På vevgruppa i husflidslaget sette vi opp same renninga i kvit og naturfarga cottolinrenning med svarte striper. Her slo vi oss meir laus med innslagsfarge og trøing, og første nedklipp kan du sjå under.
Og eg tilstår, eg er svært fornøyd med min løpar. Kjekt å ha den liggjande på salongbordet!
No gleder eg meg til det igjen vert ein ledig vev i vevgruppa, så eg kan prøve meg på noko nytt. Elles er jo målet å setja opp ei ny renning heime til hausten. Er liksom ikkje like freistande med veving no når våren er her.

4 kommentarer:

  1. Adventsløperen din er nydelig! Og mandagslunsjen er bare koselig!
    Kjekt at du viser litt av produksjonen i vevgruppen :)

    SvarSlett
  2. Her var mange flotte løperar, dei i naturfarger likte eg veldig godt!
    Adventsløparen din blir og kjempefin.

    SvarSlett
  3. Enig med deg i at sol og varme dager ikke harmonerer med veving inne. Jeg har stadig planer omå få i stand en stor terasse med plass til vevstol. Tenk å sitte i kveldssola å veve . . .
    Likte adventsløperen din godt. Er ikke sikker på om det er tavlebragd eller halvdreiel . .?
    Godt å være ute i god tid. Den skal falles også - og det er ikke like lystbetont som å veve.

    SvarSlett
  4. Åh, er bare så flotte de dukene du lager :) du er så flink Åshild

    SvarSlett