Babysett til ein prins!

Ja, for også prinsar skal ha fine strikkesett i gåve. Og denne gongen er det vore gode vener og naboar som skal verta besteforeldre igjen. Etter å ha fått fem friske og raske jenter er det denne gongen ein gut i vente! Stor stas denne gongen og, sjølvsagt!

For meg, som elskar å strikke babytøy var valget klart, det måtte bli noko blått denne gongen. Valget vart eit mønster frå Sandnesgarn og Rauma babygarn. Dette er eit godt garn å strikke i, jamnt og glatt. Eg kjem nok heilt sikkert til å strikke meir med dette babygarnet.

Så no ligg dette settet klart til å overrekkast når prinsen vert fødd om kanskje eit par veker!

Selbu-vottar

På vevgruppa på torsdag fekk eg vist eit vottemønster dei meinte det var feil på. Då kjem inspirasjonen til meg, for eg synest mønsteret såg heilt OK ut. Det er då berre ein ting å gjera, pakke garn, pinnar og mønster i strikkeveska som skal med på bubiltur i helga.

Garnet eg hadde som kunne eigne seg var Embla, 3-lagt garn frå Hillesvåg. Dette vert tette og gode vottar i bruk. Kanskje ikkje tå dei mest slitesterke, men det får våge seg!
Fargane vart sauesvart og raudt. Dette forrådet i skapet kan eg nemleg tenke meg å redusere litt på. Strikkinga gjekk lett, kunne ikkje finna noko feil eg. Vottar og mønster må nok med på neste vevgruppe for å finna ut kva vi har oppfatta forskjellig. For her kan det vera fleire løysingar, eg kan lese mønsteret med harelabb og strikke på gamal rutine. Eller kanskje det ligg ei dårleg forklaring bak? Samde pleier vi alltid å verta og det vert vi nok no og.

Størrelsen på vottane vart ein medium herrestørrelse, mønsteret tilsa dei skulle passe ei dame. Men ulikt garn gir gjerne slike overraskingarEg har også klart å slå to fluger i ein smekk, for eg var komen litt på etterskudd i Projo sin vottealong. Oppgåva i mars var å strikke vottar med åttebladroser, og no er dei ferdige og komen i albumet. Men april har eg igjen..... men dei må nok vente litt.

Nytt sidan sist

Det er lenge sidan sist eg skreiv ein blogg. Ikkje fordi eg ikkje har strikka men fordi det har skjedd så mykje anna her hos oss. Vi har hatt ein flott påskeferie på hytta vår medd besøk av datter med familie. Det store målet til barnebarna var å gå påskerennet i hyttefeltet med medalje og snopepose til alle. Til og med minstemann på 2 år, som snudde etter eit lite stykke, fekk premie. Og med det været vi fekk, vart det ei flott påske. Her ser de Hardangerjøkulen bada i sol, og slik såg vi han kvar dag heile påska.



Men det største som hende i påsken er nok at barnebarnet vi venta på kom til verda. Ei fortryllande lita jente, og alt står bra til med foreldre og barn. Det var stort å sjå ho på KK 1. påskedag, for turen heim gjekk om sjukehuset. No er ho komen heim og eg kan besøke dei fleire gonger i veka. Kjekt å ha henne så nær at eg kan få følgje utviklinga hennar. Godt å kunne kose med henne, skal verta bestemor si godjente ho og.

På strikkefronten har eg klart å gjera ferdig genseren min strikka i meisegarn i fargen lavendel. Dessverre klarer eg ikkje eg å vise fargen på bilda. Fargen er som ein lavendelåker bada i sol, slik eg opplever det i Provence, på bilda ser den meir blå ut.

Mønsteret har eg henta frå Alt om Håndarbeide nr 21. Litt tilpasning måtte eg gjera. Rundfellinga vart for kort, så då var det å rekkja opp og strikka eit stykke glattstrikk før eg strikka fellinga. Er litt spent på korleis tråden veil vera i bruk. Alltid litt spent på det når eg strikkar store plagg i tråd eg ikkje har prøvd før. Under ser du fellingane, 8 slike holrader danna rundfellinga, genseren vart fin i størrelsen og er alt tatt i bruk.

I påsken strikka eg og ei hue til eldste barnebarnet. Ho ønska seg ei lilla hue som skulle passe til boblejakken. Heldigvis hadde eg pakka eit nøste lys lilla sockegarn i strikkesekken, ja for eg hadde ein eigen sekk med handarbeidsutstyr. Har jo litt panikk for å verta arbeidslaus når eg skal vera vekke 10 dagar, heheh...
Jenta vart superfornøyd med hua, ser ho brukar den på skulen. Ja for enno er det så kaldt her at det er godt å ha ei hue på øyrene.......... men må tilstå eg lengtar etter vår og meir varme no!

Som terrassestrikk fekk eg gjort ferdig eit par labbar. Likar å strikke når eg sitt i sola, det sjølv om gradestokken kryp under 0 grader. Dei nye karbonz-pinnane var supre då. Kunne kjenna stor forskjell frå det svarte partiet og til metallspissane i kor kalde dei var. Når reklamen slår fast at desse pinnane skulle vera varme å strikka med, må eg tilstå eg rynka litt på nasa. No er eg mykje meir imponert, ja!!! Labbane er strikka i Opal, eit sokkegarn eg likar godt, både på pinnane og i bruk.

No ventar fletting av sokkeband, babystrikk og alongstrikking på meg. Skulle nok gjerne fått utvida timetalet i døgnet eller redusert trongen for søvn! Men får vel gjera det eg rekk!

Siste babyprosjekt i denne omgang!

Ei venninne tipsa meg om eit flott vognteppe/babyteppe i eit Raumahefte, eit teppe med mange fletter. Tusen takk for tipset Rigmor! Dette var midt i blinken for svigerdatter vår, ho synes flettestrikk er nydelig. Mønsteret er i  mønsterheftet Baby 075 R.

Den vordende mamma, som det heiter, fekk vera med å plukke ut garn til teppet. Det er strikka i dobbelt garn, ein tråd Rauma babygarn og ein tråd Plum på pinne nr 4. Størrelsen på teppet vart god, så det kan nok og brukast i bilstolen og til koseteppe. Ganske raskt å strikka med så tjukke pinnar til tross for alle flettene, til dels på alle pinnane på retta skulle det flettast eller masker flyttast.

Her er eit detaljbilde av flettemønsteret. Flettene er dei same som den søte genseren på framsida av mønsterheftet. Kanskje eit prosjekt seinare?  Fargen er nok litt meir rosa enn her på bildet, den vil bli lekker på den flotte mørkbrune vogna dei har kjøpt. Gleder meg til eg kan ut å trille den vesle prinsessa om ei stund, blir nok ikkje før godt ut på våren.

Hentesett ei prinsesse verdig!

Tida for at vi skal få eit nytt barnebarn nermar seg, sjølv om det er nokre veker att. Like spennande kvar gong når fødselen nermar seg. Eg er så heldig å få strikke eit hentesett til den vesle prinsessa vår. Mammaen har vore med å plukka ut mønster og garn. Synes det er ekstra kjekt å strikke noko eg veit dei ønskjer seg og som vert brukt.

Mønsteret som vi plukka ut er henta frå SandnesGarn sin temakatalog nr 24 med hentesett og babytepper. I mønsteret var settet strikka i litt sterk rosa, eg har strikka det i ein dus litt gammalrosa farge. Likte fargen betre og betre etter kvart som eg såg den i strikk, trur den vert lekker på ei lita jente. Mønsteret var greit å strikka, men litt småendringar har eg no gjort som vanleg. La opp eit mønster ekstra på mønsterfeltet som eg felte ved overgangen til rettstrikk. Mønsteret hadde også isett arm med strikka armtopp, eg bytta den ut med ei raglanfelling. På babyjakkar synes eg raglan- eller rundfelling absolutt gir best passform.





Også labbane var veldig vide rundt leggen. Her tok eg bort ein mønsterraport ( 13 masker), då synest eg dei såg mykje passelegare ut.

No gleder eg meg til å sjå settet på, men vi må nok smørje oss med tolmod. Prinsessa vår har det nok absolutt best der ho er i mamma sin mage ei stund enno!

Camilla, eit flott namn på desse labbane!

Eg har vore med på Bittami sin "rødstrømpealong" og har strikka desse labbane etter det flotte mønsteret som ho har delt med oss som deltok. Målet er at alle skal vera ferdig med labbane og bruke dei på kvinnedagen 8. mars.

Labbane har Bittami gitt namnet Camilla etter Camilla Collett. Ei beundringsverdig kvinnesakskvinne som vart fødd for 200 år sidan. Det må eg sei er eit namn som høver svært godt!

Mønsteret fekk vi i 5 delar, og då krev det tolmod å vente på neste del. Var klar med pinnane til kvar ny mønsterdel, utolmodig som eg kan vera når det gjeld slike ting.

Eg har strikka labbane i eit garn eg fekk frå Zirkona våren 2012 når dei var på "garnvandring" her i Bergen. Garnet har ho farga sjølv og har nokre herlege sjateringar.

Det såg ut som det kunne verta litt knapt med garn, så helen strikka eg i ein og ein halv tråd av sisu. Prøvde først med både enkelt og dobbelt garn, men vart ikkje heilt fornøyd. Løysinga då vart å dele den eine slik at garnet vart 6-delt. Helen vart også litt forsterka då, så det kan kanskje forlenge levetida. Som de ser vart det ein haug med avrevne fibrar som hamna i bosset.

Alongstrikking og andre prosjekt!

Ei stund sidan siste blogg og det skuldast ikkje at eg ikkje held på med handarbeid! Litt sjukdom og travle tider har gjort at denne oppgåva kom litt i bakleksa. No vil eg difor gje ei lita oppdatering i kva eg har brukt tida på på handarbeidsfonten til ... og litt til.

LHL har gåande ein kampanje der dei set føkus på hjarte og karsjukdommar hos kvinner.
I det høve fekk eg spørsmål om Os Husflidslag kunne hjelpe til med å markere dette arbeidet.
Eg synest det er eit viktig arbeid LHL her driv og svara ja, både på vegne av laget og meg sjølv.

Nokre av medlemane strikka hjarte hos oss, det same gjorde medlemmane i LHL, avdeling OS. Det kom inn mange flotte hjarte, og dei pynta opp på den kvite veggen der dei no heng.



For fredag sette vi opp utstillinga på Amfi Os i andre etasje. Leiinga på senteret her er svært hjelpsomme og vi fekk låne utstyr og trapp. Synes det er kjekt å kunne samarbeide med andre lag, verta kjent med kva andre driv med.

Litt rart å tenke på at vi kvinner har andre symptom enn menn ved hjartesjukdom, men kanskje ikkje like rart at det er menn som har vore i fokus når det gjeld forskning?
Vil du lesa meir om dette arbeidet finn du info hos LHL

Alongar har elles vore ei stor freisting dette året. Før eg rakk trekke pusten og tenkje meg om hadde eg starta på to stykker.
Vottealongen til Projo skal gå gjennom heile året, skal strikke eit par vottar kvar månad. Her får vi velja mellom 2 mønster kvar månad, blir spennande å sjå kva som dukkar opp No er eg godt gang og dei to første para er ferdige.

Over er bilde av januarvottane "brennende kjærlighet". Mønsteret kjøpte eg hos Jorid Linvik. Dei er lett tova og passar ei litt smal damehand.

Til høgre ser du "Stripeleik" av Marianne Nesse strikka etter eit gratismønster på Ravelry

Begge desse para er strikka i Ask - Hifa 2 frå Hillesvåg Ullvarefabrikk. Dei veg berre 140 gram til saman, så dette er eit drygt garn i bruk.

Innimellom hjartestriking og alongar har eg fått gjort ferdig dette sjalet som eg tenkte kunne verta ein gevinst til Husflidslaget sin basar til hausten. Sjalet er strikka i dobbel tynn bouclegarn kjøpt på eit garnutsal på Oleana fabrikken for nokre år sidan. Mjukt og godt og svært lett. Vart gjerne litt langt, men sidan det er strikka på langs, "får det bli som det er når det ikkje vart som det sku...."


På pinnane no har eg hentesett og labbar i ein along! Det skal dåke få sjå når dei er ferdige............

......... må ha litt å skriva om i neste blogg og!